सबैमाझ लोकप्रिय शिवप्रसाद दाहालः सदस्य पदका सशक्त उम्मेदवार

अर्थ

गृहपृष्ठ
अर्थ
सबैमाझ लोकप्रिय शिवप्रसाद दाहालः सदस्य पदका सशक्त उम्मेदवार

सबैमाझ लोकप्रिय शिवप्रसाद दाहालः सदस्य पदका सशक्त उम्मेदवार

'सबैले देखाएको माया, विश्वास र सद्भाव मेरो जित्ने आधार'

बुधबार, साउन २४, २०८० बागेश्वरी पोस्ट

नेपालगञ्ज । शिवप्रसाद दाहाल, नेपालगञ्जको व्यवसायिक क्षेत्रमा नामै काफी छ । कर्मठ व्यवसायीकोे छबि बनाएका दाहाल, व्यवसायिक हकहित र सुरक्षासंगै सुखदुःख र पीरमर्कामा सधैं संगसंगै रहने जुझारु पात्र हुन् । भदौ २ गते हुने नेपालगञ्ज उद्योग बाणिज्य संघको निर्वाचनमा सदस्य पदका उम्मेदवार दाहाल, व्यवसायीमाझ जति घुलमिल र सहयोगी छन्, त्यो भन्दा बढी लगनशील र गतिशील छन् । सबै माझ लोकप्रिय शिव, कोरोनाकालका हिरो पनि हुन् । कोरोना कालममा व्यापारीहरुको दुःखमा हातमा हात, काँधमा काँध मिलाएर अहोरात्र सेवाभावका साथ खटिएका उनी कसैप्रति सहानुभूति होइन, समानुभूति राख्ने मिजासिला व्यक्ति हुन् ।

No description available.

२०५३ सालमा व्यापारकै सिलसिलामा नेपालगञ्ज झरेका दाहाल काभ्रे जिल्लामा जन्मेका हुन् । २०३३ साल बैशाख १५ गते काभ्रेमा जन्मिएका उनी २०५३ यता लगातर नेपालगञ्ज भूमिमा व्यापार व्यवसाय र समाजसेवी पहिचान बनाएर सतिसालझैं आफ्नो कर्ममा अडिग भएर उभिएका छन् । सुरुमा नेपालगञ्ज झर्दा इलेक्ट्रोनिक्स पसल गरेका उनले यो कर्मलाई २०५९ सम्म निरन्तरता दिए । त्यसपछि रेडिमेड कपडाको व्यवसायमा लागेको शिवप्रसाद दाहाल हालसम्म पनि यसैमा तल्लीन छन् । न्यूरोडमा 'सोरभ कलेक्सन' नामक रेडिमेड कपडाको पसल सञ्चालन गरेका उनी प्रजातान्त्रिक उद्योगी व्यवसायी संघ नेपालगञ्ज कार्यसमितिका अध्यक्ष पनि हुन् । श्रीमतीसंगै पसल सम्हाल्ने कर्म गरिरहेका दाहालले तीन जनालाई रोजगारी समेत दिएका छन् । 'थकान' भन्ने शब्द आफ्नो डिक्सनरीमा नराखेका शिव विभिन्न संघसंस्थामा आबद्ध भएर सामाजिक सेवामा पनि अबिछिन्न छन् ।

No description available.

खुद्रा व्यवसायी संघको संस्थापक सदस्य, कोषाध्यक्ष हुँदै अध्यक्षको जिम्मेवारी पनि सम्हालिसकेका शिवसंग नेतृत्व क्षमता पनि बेजोडको छ । सबैलाई मिलाएर लैजान सक्ने क्षमता राख्ने दाहाल कहिल्यै पनि विवादमा नआएको नाम हो । जुमा स्पोर्ट्स क्लबका वर्तमान उपाध्यक्ष दाहाल, लायन्स क्लब अफ नेपालगञ्ज सिनर्जीका संस्थापक अध्यक्ष समेत हुन् । भानुभक्त संरक्षण समितिका कोषाध्यक्ष शिव भानुभक्त चोक निर्माताका मध्येका एक महत्वपूर्ण पात्र समेत हुन् । उनी सामुदायिक प्रहरी केन्द्र र नबर्देश्वर महादेव मन्दिरका आजीवन सदस्य पनि हुन् ।

व्यवसायिक हकहित र सुरक्षाका लागि सदस्य पदमा उम्मेदवारी दिएको बताउने दाहाल लामो समयदेखि संघसंस्थामा आबद्ध रहेर व्यवसायीका समस्यासंग जुध्दै निरन्तर व्यवसायिक कर्ममा लागेकाले आफूले जीत हासिल गर्ने विश्वास रहेको बताउँछन् । सबैले देखाएको माया, विश्वास र सद्भाव आफ्नो जीतको आधार भएको शिवप्रसाद दाहालको तर्क छ । ललितकुमार रौनियार नेतृत्वको साझा प्रजातान्त्रिक उद्योगी व्यवसायी प्यानलबाट सदस्य पदका उम्मेदवार दाहालको क्रम संख्या १ रहेको छ ।

No description available.