साझा प्रजातान्त्रिक समूहलाई जिताउन महिलाहरुको समूह प्रचारप्रसारमा

अर्थ

गृहपृष्ठ
अर्थ
साझा प्रजातान्त्रिक समूहलाई जिताउन महिलाहरुको समूह प्रचारप्रसारमा

साझा प्रजातान्त्रिक समूहलाई जिताउन महिलाहरुको समूह प्रचारप्रसारमा

सोमबार, साउन २९, २०८० बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघमा साझा प्रजातान्त्रिक उद्योगी व्यवसायी समूहलाई जिताउन महिलाहरुको समूह प्रचारप्रसारमा जुटेको छ । यही भदौ २ गते हुने निर्वाचनमा ललितकुमार रौनियारको नेतृत्वलाई बिजयी बनाउन महिलाहरुको समूह घरदैलोमा जुटेको हो ।

'सबैको साझा उम्मेदवार, सबैको समान अवसर तथा सहभागिता'लाई अर्थपूर्ण मानेको प्रजातान्त्रिक उद्योगी व्यवसायी समूहलाई बहुमत मतदानको आग्रहसहित बिजयी बनाउन सुनिला बरालको नेतृत्वमा घरदैलो अभियान शुरु गरिएको छ । यो अभियान बिभिन्न क्षेत्रमा रहेका मतदाताहरुको घरदैलोमा पुग्ने जनाइएको छ । निर्वाचन नजिकिएसंगै प्रजातान्त्रिक उद्योगी व्यवसायी समूहको पक्षमा लागेर घरदैलो अभियान शुरु गरेको अभियानकी नेतृत्वकर्ता बरालले जानकारी दिइन् ।

No description available.

यो पटक प्रजातान्त्रिक समूहलाई बिजयी गराउनुपर्छ भन्ने उद्देश्यले शुरु गरिएको अभियानका क्रममा भेटेका मतदाताहरुमा समेत प्रजातान्त्रिक समूहलाई समर्थन रहेको देखिएको नेतृत्वकर्ता बरालको भनाई छ । ‘हामीले मतदाताहरुको घरदैलोमा गएर उहाँहरुलाई प्रजातान्त्रिक समूहलाई बिजयी गराउनुपर्छ भनिरहेका छौं,’ नेतृत्वकर्ता बरालले भनिन्, ‘भेटमा मतदाताहरुले नेतृत्वदायी क्षमताका उम्मेदवार यही समूहमा रहेको र यो पटक जिताउनुपर्छ भनेर पनि धेरैले समर्थन जनाएका छन् ।’

संघको निर्वाचनको समय अब केही दिन मात्र बाँकी रहेको अवस्थामा निर्वाचनलाई लिएर मतदाताहरुको चासो बढ्न थालेको छ । संघको नेतृत्वमा यो पटक केही परिवर्तन ल्याउनुपर्छ भन्ने मतदाताहरुको बुझाई रहेको पनि घरदैलोमार्फत बुझिएको प्रजातान्त्रिक समूहबाट सदस्य पदका उम्मेदवार सुनिल भण्डारीले बताए ।

No description available.