महासचिव पदमा पुनः मतगणना हुने

अर्थ

गृहपृष्ठ
अर्थ
महासचिव पदमा पुनः मतगणना हुने

महासचिव पदमा पुनः मतगणना हुने

सोमबार, भदौ ४, २०८० बागेश्वरी पोस्ट

नेपालगन्ज । नेपालगन्ज उद्योग बाणिज्य संघको निर्वाचनमा महासचिव पदमा पुन: मतगणना हुने भएको छ । महासचिव पदका उम्मेदवार टंकप्रसाद शर्माले पुन: मतगणनाको माग गर्दै निर्वाचन समितिलाई निवेदन दिएका कारण पुनः मतगणना गर्ने निर्णय गरिएको निर्वाचन आयुक्त टीकाजंग शाहले जानकारी दिएका छन् । निर्वाचन आयुक्तको कार्यालयबाट आज एक सूचना जारी गर्दै उनले महासचिवका उम्मेदवार शर्माले मतगणना कार्यमा चित्त नबुझेको भन्दै मतपरिणाम घोषणा हुनु पूर्व नै निवेदन दिएकाले भोलि विहान ८ बजेदेखि पुनः मतगणना गर्ने जानकारी दिएका हुन् । महासचिवका अर्का उम्मेदवार भिमबहादुर रानाभाटलाई नेपालगंज रंगशालाको कभर्डहलमा हुने पुन: मतगणनामा आफैं वा प्रतिनिधि उपस्थित गराउन भनिएको छ ।

महासचिव पदको सम्पूर्ण मतगणना नगरी जबर्जस्ती ढंगले निर्वाचन आयुक्त शाहले अन्तिम मतपरिणाम घोषणा गरेको भन्दै पुनः मतगणनाको माग गरी निर्वाचन अधिकृतको कार्यालयमा तालाबन्दी गरिएको गरिएको थियो । केही मतपत्र गन्न बाँकी छँदै समावेशी प्यानलका भिमबहादुर रानाभाटलाई विजयी भएको घोषणा गरिएको भन्दै पुनः मतगणनाको माग गरिएको थियो । साझा प्रजातान्त्रिक समूहबबाट महासचिवमा शर्माले प्रतिष्पर्धा गरेका थिए । निर्वाचन समितिले रानाभाटलाई ६ मतले विजयी भएको घोषणा गरेको थियो ।

प्रकाशित मिति: सोमबार, भदौ ४, २०८० १३:४६

प्रतिक्रिया दिनुहोस्