नागरिक बचत तथा ऋण सहकारीको १५औं साधारणसभा सम्पन्न

अर्थ

गृहपृष्ठ
अर्थ
नागरिक बचत तथा ऋण सहकारीको १५औं साधारणसभा सम्पन्न

नागरिक बचत तथा ऋण सहकारीको १५औं साधारणसभा सम्पन्न

शनिबार, मंसिर ३०, २०८० बागेश्वरी पोस्ट

नेपालगन्ज । नेपालगन्ज वडा नम्बर २ मा अवस्थित नागरिक बचत तथा ऋण सहकारी संस्था लिमिटेडले १५औँ बार्षिक साधारणसभा आज सम्पन्न गरेको छ ।

आ.व. २०७९/०८० मा संस्थाले १३ करोड ६० लाख ८ हजार ४ सय ७८ रुपैयाँ ६० पैसा बचत संकलन गरेको छ । १५ करोड २५ लाख ३१ हजार ६ सय ६० रुपैयाँ ४० पैसा सदस्यहरुलाई फिर्ता गर्दा कुल बचत निक्षेपमा ३३ करोड २३ लाख ३ हजार ३ सय १६ रुपैयाँ ११ पैसा कायम रहको सहकारीका सचिव हिरेन्द्रबहादुर खड्काले जानकारी दिए । जसमा शेयर पुँजी १० करोड २ लाख ७ हजार ९ सय र मुनाफा कर ६७ लाख ७ हजार ६ सय रुपैयाँ ५३ पैसा रहेको संस्थाका कोषाध्यक्ष रबिन्द्रकुमार अर्यालले बताए ।

'सहकारीको दिगोपन स्वनियम र सुशासन' भन्ने मूल नाराका साथ आयोजना गरिएको साधारणसभाको प्रमुख अतिथि नेफ्स्कून बाँकेका प्रमुख छत्रप्रसाद धमलाले मैनबत्ती बालेर उद्धाटन गरेका थिए । उनले नागरिक बचत तथा ऋण सहकारी संस्था लिमिटेडले राम्रो काम गरेको बताए । यसलाई लुम्बिनी प्रदेशकै उकृष्ट बनाउन लाग्नुपर्नेमा उनको जोड छ । बरिष्ठ सल्लाहकार पुष्कारबहादुर खड्काले सहकारी संस्थाले पहिलाको भन्दा अहिले धेरै प्रगति गरेकाले आगामी दिनमा जिल्लाकै उकृष्ट संस्था भई अघि बढ्ने विश्वास ब्यक्त गरेका छन् ।

साधारणसभामा सहकारीका सल्लाहकार रमनाथ ढकाल, विष्णुबहादुर बोगटी, लेखा समिति संयोजक उपाध्यक्ष जंगबहादुर विष्ट, कोषाध्यक्ष अर्याल, शान्ति सिंह ठकुरी, सञ्चालक सदस्य रमेशकुमार मिश्र, सञ्चालक सदस्य निमा खत्री गुरुङ्ग, लेखा समिति सदस्य दिलबहादुर थापा, लेखा समिति सदस्य पदमा चन्द शाही, ऋण सदस्य दयाराम ढकाल, ऋण उपसमिति सदस्य धालेन्द्रकुमार चौधरी लगायत उपस्थित थिए । संस्थाका अध्यक्ष जयलाल पराजुलीको अध्यक्षतामा साधारणसभा सम्पन्न भएको सहकारीका व्यवस्थापक गोपालबहादुर थापाले जानकारी दिए ।

प्रकाशित मिति: शनिबार, मंसिर ३०, २०८० १८:५५

प्रतिक्रिया दिनुहोस्