भोलीदेखि संचालन हुने छैठौं नेपालगञ्ज महोत्सबको तयारी पूरा

अर्थ

गृहपृष्ठ
अर्थ
भोलीदेखि संचालन हुने छैठौं नेपालगञ्ज महोत्सबको तयारी पूरा

भोलीदेखि संचालन हुने छैठौं नेपालगञ्ज महोत्सबको तयारी पूरा

बुधबार, पुस ४, २०८० बागेश्वरी पोस्ट

नेपालगञ्ज । भोली पुष ५ गतेदेखि संचालन हुने छैठौं नेपालगञ्ज महोत्सब २०८० को तयारी पूरा भएको छ । कृषिलाई विशेष प्राथमिकता दिँदै कृषि प्रवर्द्धन, पर्यटन, औद्योगिक, व्यापार तथा सांस्कृतिक प्रदर्शनी महोत्सवको तयारी पूरा भएको हो ।

नेपालगञ्ज उपमहानगरपालिका वडा नम्बर १८ स्थित सडक डिभिजन कार्यालय परिसरमा १७ गतेसम्म संचालन हुने महोत्सवको तयारी पूरा भएको आयोजक ए.जी. सर्भिस प्रा.लि.नेपालगञ्जका संयोजक नन्द बुढाले बताउनुभयो । आज आयोजित पत्रकार सम्मेलनमा बुढाले महोत्सव स्थलमा २ सय बढी स्टल निर्माण, बाल उद्यान जडान, राष्ट्रिय तथा स्थानीय कलाकारको प्रस्तुति, कुस्ती प्रतियोगिता, डान्स तथा नृत्य प्रतियोगिता लगायत थारु गाउँको अवलोकनको व्यवस्था गरिएको बताए ।

"कृषि प्रवर्द्धन व्यापारिक तथा रोजगार पूर्वाधार" भन्ने मूल नारासहित आयोजना हुन लागेको महोत्सवमा ३ लाख बढी दर्शकले अवलोकन गर्ने अनुमान आयोजकको रहेको छ । महोत्सवलाई थप आकर्षक बनाउन नेपाल र भारत हरियाणाका चर्चित कुस्ती खेलाडीहरुको समेत प्रतियोगिता रहने बताइएको छ ।

महोत्सव अवलोकनको समय विहान १० बजेदेखि साँझ ७ बजेसम्म निर्धारण गरिएको छ । महोत्सव अवलोकनका लागि साधारणका लागि प्रति व्यक्ति १०० रुपैयाँ र विद्यार्थीहरुका लागि ८० रुपैयाँ निर्धारण गरिएको छ ।

प्रकाशित मिति: बुधबार, पुस ४, २०८० २०:१३