सहकारीलाई सम्पत्ति शुद्धिकरण निर्देशिका कार्यान्वयनका लागि सचेत बनाइँदै

अर्थ

गृहपृष्ठ
अर्थ
सहकारीलाई सम्पत्ति शुद्धिकरण निर्देशिका कार्यान्वयनका लागि सचेत बनाइँदै

सहकारीलाई सम्पत्ति शुद्धिकरण निर्देशिका कार्यान्वयनका लागि सचेत बनाइँदै

मंगलबार, फागुन २९, २०८० बागेश्वरी पोस्ट

नेपालगञ्ज । नेपालगञ्जका सहकारीलाई सम्पत्ति शुद्धिकरण निवारण निर्देशिका कार्यान्वयनका लागि सचेत बनाइएको छ । नेपालगञ्ज उपमहानगरपालिकाको सहकारी शाखाले आफ्नो नियमन क्षेत्र भित्रका सहकारीहरुसंग अन्तरक्रिया गरेर सम्पत्ति शुद्धिकरण निवारण निर्देशिकाको पूर्ण परिपालना गर्न सचेत बनाएको हो ।

अन्तरक्रिया कार्यक्रममा नेप्स्कुन बाँकेका कार्यालय प्रमुख छत्रप्रसाद धमाला र नेपाल राष्ट्र बैंकका अधिकृत राहुल कनोजियाले सम्पत्ति शुद्धिकरण निवारण निर्देशिकामा भएको ब्यवस्था र सहकारीले परिपालना गर्नुपर्ने विषयबस्तुका बारेमा प्रस्तुतिकरण गरेका थिए ।

May be an image of 10 people, people studying and text

नेपालगञ्ज उपमहानगरपालिकाले नगरभित्रका सहकारी संस्थाको नियमन, प्रवर्द्धन र प्रशिक्षणका कार्यक्रम आफ्नो वार्षिक तालिका अनुसार नियमितरुपमा गर्दै आएको बताउँदै शाखा प्रमुख प्रविण रानाले सहकारीहरु सम्पत्ति शुद्धिकरणको उच्च जोखिममा रहेकाले आवश्यक ज्ञान र निर्देशिका पालनामा सचेत बनाउन अन्तरक्रिया गरिएको बताए ।

अन्तरक्रिया कार्यक्रममा बोल्दै आर्थिक विकास समिति संयोजक गोपाल पुनले सम्पत्ति शुुद्धिकरण निवारणसम्बन्धि निर्देशिकाको अक्षरसः पालना गर्नुपर्नेमा जोड दिए । आन्तरिक सुशासन र वित्तीय पारदर्शिताका लागि सम्पत्ति शुद्धिकरण आवश्यक रहेको पुनको भनाई छ । सहकारी क्षेत्रबाट ठूलो संख्यामा कर्जा र निक्षेप प्रवाह भइरहेकाले वित्तीय जोखिम बढ्दै गएको पुनले बताए ।

May be an image of 3 people, speaker, dais and text

अन्तरक्रियामा सहभागी सफल बहुउद्देश्यीय सहकारीकी खिमा थापा र शुद्ध गोरस सहकारीका खगेन्द्रप्रसाद न्यौपानेले सिकाई निकै लाभदायक भएको बताए । कार्यक्रममा वडा नम्बर २० का वडा अध्यक्ष कौशलकुमार धोबी, आर्थिक विकास समिति संयोजक संगिता रेग्मी लगायत ४ दर्जनको सहभागिता रहेको सहकारी शाखाकी तुलसा पन्थी आचार्यले बताइन् ।

May be an image of 1 person, studying, lighting, speaker and text