अब स्तरउन्नति हुँदै तुलसीपुर विमानस्थल

अर्थ

गृहपृष्ठ
अर्थ
अब स्तरउन्नति हुँदै तुलसीपुर विमानस्थल

अब स्तरउन्नति हुँदै तुलसीपुर विमानस्थल

बुधबार, जेठ १६, २०८१ बागेश्वरी पोस्ट

तुलसीपुर । दाङको तुलसीपुरस्थित टरिगाउँ विमानस्थलको स्तरउन्नति हुने सम्भावना देखिएको छ । सरकारले प्रस्तुत गरेको बजेट भाषणबाट टरिगाउँ विमानस्थलको स्तरउन्नति गरिने जनाएको हो ।

तर, त्यसका लागि कति बजेट आवश्यक हो भन्ने बारेमा कुनै कुरा भने स्पष्ट उल्लेख गरिएको छैन । टरिगाउँ विमानस्थल बिस्तार गरिने कुरा अर्थमन्त्रीले उल्लेख गरेपनि त्यसबारे कति बजेट भन्ने कुरा उल्लेख छैन ।

यस अघिका बजेट भाषणमा पनि टरिगाउँ विमानस्थल बिस्तारको कुरा प्रस्तुत हुँदै आएपनि हालसम्म भनिए अनुसार काम भएको थिएन । त्यसैले यसपाली पनि काम हुने हो वा होइन भन्ने अन्यौलता कायमै रहेको सरोकारवालाहरु बताउँछन् ।

अर्थमन्त्री बर्षमान पुनले प्रस्तुत गरेको योजनामा दाङको टरिगाउँ विमानस्थल, रोल्पाको बडाचौर, जुम्ला, विराटनगर, धनगढी, सुर्खेत र नेपालगञ्ज विमानस्थल स्तरोन्नति गरिने उल्लेख छ । त्यस्तै सरकारले पुराना बन्द आन्तरिक विमानस्थलहरु सहासिक खेलको लागि प्रयोगमा ल्याउने उल्लेख गरेको छ ।

सञ्चालनमा नरहेको बलेवा, मनिडाँडा, मनाङ, रूम्जाछार, वैतडी जस्ता आन्तरिक विमानस्थललाई निजी क्षेत्रको सहकार्यमा प्याराग्लाङडिङ, स्काइडाइभिङ लगायतका स्थलको रुपमा विकास गरिने उल्लेख गरिएको छ ।

सरकारले बजेट भाषण मार्फतबाट पर्यटन क्षेत्रको लागि ११ अर्ब ९१ करोड विनियोजन गरेको छ भने नागरिक उड्डयन पूर्वाधारको लागि ३ अर्ब ७७ करोड विनियोजन गरेको उल्लेख गरेको छ ।

प्रकाशित मिति: बुधबार, जेठ १६, २०८१ ११:०७

प्रतिक्रिया दिनुहोस्