चम्किलो तारा बचत तथा ऋण सहकारी संस्थालाई १५ दिने स्पष्टीकरण

अर्थ

गृहपृष्ठ
अर्थ
चम्किलो तारा बचत तथा ऋण सहकारी संस्थालाई १५ दिने स्पष्टीकरण

चम्किलो तारा बचत तथा ऋण सहकारी संस्थालाई १५ दिने स्पष्टीकरण

शुक्रबार, असार ७, २०८१ बागेश्वरी पोस्ट

नेपालगञ्ज । नेपालगञ्ज कारकाँदोस्थित चम्किलो तारा बचत तथा ऋण सहकारी संस्थालाई १५ दिने स्पष्टीकरण सोधिएको छ । नेपालगञ्ज उपमहानगरपालिकाको सहकारी अनुगमन टोलीले १५ दिने स्पष्टीकरण सोधेको हो । १५ दिनभित्र कार्यान्वयन योजना पेश गर्न निर्देशन दिँदै अनगुमन टोलीले स्पष्टीकरण सोधेको हो ।

अनुगमन टोली संयोजक एवम् सहकारी शाखा प्रमुख प्रविण रानाले कार्यान्वयन योजना पेश गर्न १५ दिने समय दिएर स्पष्टीकरण सोधिएको बताए । संस्थाका कागजात (ऋण फाइल, डे-बुक बाहेक) नभेटिएको, कार्य क्षेत्र बाहिर र गैर सदस्य कारोबार गर्ने गरेको, नियामक निकायमा आवश्यक प्रतिवेदन र विवरण पेश नगरेको, सहकारी सिद्धान्त, नियम, ऐन, विनियम विपरीत संस्था सञ्चालन भइरहेको, कर्मचारी हाजिरी रजिष्टर नभएको लगायतका कैफियत उल्लेख गर्दै कार्यान्वयन योजना पेश गर्न निर्देशन दिइएको छ । नेपालगञ्ज उपमहानगरपालिकाको सहकारी ऐन २०७४ को दफा ८१ को कसुरमा कारबाही गर्ने सम्बन्धमा ८१(३) बमोजिमको स्पष्टीकरण पेश गर्न निर्देशन दिइएको रानाले जानकारी दिए ।

सहकारी शाखा प्रमुख रानाको संयोजकत्वमा जिल्ला सहकारी संघका प्रवन्ध संचालक नवराज उपाध्याय र नेपालगञ्ज उपमहानगरपालिकाका प्रेस सल्लाहकार नवीन गिरी सम्मिलित तीन सदस्यीय टोलीले नेपालगञ्ज उपमहानगरपालिकाको कार्य क्षेत्र भित्रका सहकारी अनुगमन गर्दै आएको छ । सहकारीलाई ब्यवस्थित र मर्यादित बनाउन सचेतीकरण गर्ने उद्देश्यले निरन्तर अनुगमन भइरहेको छ ।

प्रकाशित मिति: शुक्रबार, असार ७, २०८१ ०८:२४