हात्तीपाइले विरुद्धको औषधि खुवाउन चुनौतीपूर्ण

स्वास्थ्य

गृहपृष्ठ
स्वास्थ्य
हात्तीपाइले विरुद्धको औषधि खुवाउन चुनौतीपूर्ण

हात्तीपाइले विरुद्धको औषधि खुवाउन चुनौतीपूर्ण

बाँकेमा फागुन २८ गतेदेखि १२औं पटक खुवाइँदै

सोमबार, फागुन २३, २०७८ बागेश्वरी पोस्ट

स्वास्थ्य कार्यालय बाँकेका प्रमुख धिरजंग शाह

नेपालगञ्ज । बाँकेमा हात्तीपाइले रोग विरुद्धको आम औषधि सेवन अभियान चुनौतीपूर्ण बनेको छ । औषधि नै नखाने प्रबृत्तिले अभियान सफल हुन सकेको छैन ।

जिल्ला स्वास्थ्य कार्यालय बाँकेले आज नेपालगञ्जमा आयोजना गरेको पत्रकार अन्तरक्रिया कार्यक्रममा कार्यालय प्रमुख धिरजंग शाहले ६ बर्षमा सक्किनुपर्ने अभियान १२औं पटक सञ्चालन गरिरहँदा पनि सन्तोषजनक नरहेको बताए ।

बाँकेमा फागुन २८ गतेदेखि हात्तीपाइले रोग विरुद्ध औषधि खुवाइँदैछ । विगत ११ बर्षदेखि निरन्तर प्रत्येक बर्ष एक पटक औषधि सेवन कार्यक्रमलाई अभियानकै रुपमा लैजाँदा पनि खानेले खाइरहने तर नखानेले खाँदै नखाने गरेका कारण प्रभावकारी हुन नसकेको शाहले बताए ।

रोगको प्रकृति अनुसार लगातार ६ बर्षसम्म खाँदा सक्किनुपर्ने भएपनि १२औं पटक अभियान सञ्चालन गर्नुपरेको अवस्था छ । रोग सर्ने प्रक्रियालाई अबरुद्ध गर्न औषधि सेवन अभियान चलाइँदै आइएको छ । पोजिटिभिटी रेटमा क्रमिकरुपमा सुधार आउँदै गएपनि आशातीत सफलता हासिल गर्न नसकिएको स्वास्थ्य कार्यालय बाँकेकी हात्तीपाइले रोग फोकल पर्सन दुर्गा गौतमले बताइन् । पछिल्लोपटक नेपालगञ्जमा २.८ र कोहलपुरमा ५.५ प्रतिशत पोजिटिभिटी देखिएको तथ्यांक प्रस्तुत गरिएको थियो ।

प्रकाशित मिति: सोमबार, फागुन २३, २०७८, १६:४४:००